Yuxarı
    Bağlamaq

    ABŞ ordusunun Liviyada keçirdiyi anti-terror əməliyyatı başa çatıb

    Əməliyyat zamanı terrorçuların mövqeyinə havadan 495 dəqiq zərbə endirilib

    Bakı. 21 dekabr. REPORT.AZ/ “ABŞ Silahlı Qüvvələrinin Liviyada “Odissey şimşəyi” adı altında terrorçu İŞİD-ə qarşı keçirdiyi əməliyyat başa çatıb”.

    “Report” xarici KİV-ə istinadən xəbər verir ki, məlumatı ABŞ Silahlı Qüvvələrinin Afrikadakı komandanlığı yayıb.

    Komandanlıq bəyan edib ki, əməliyyat məqsədinə çatıb: “Milli barışıq hökuməti ilə əlaqəli şəkildə həyata keçirilən əməliyyat nəticəsində İŞİD ölkənin Sirt bölgəsindən çıxarılıb. Ümumilikdə, terrorçuların mövqeyinə havadan 495 dəqiq zərbə endirilib”.

    Məlumata görə, əməliyyat zamanı terrorçu qruplaşmanın əlində olan minalanmış yük avtomobilləri, ağır silahlı texnika və tanklar, komanda mərkəzi, eləcə də döyüş mövqeləri bombalanıb. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi