ABŞ-nin Ukraynanın bərpasında iştirak edəcəyi sual altındadır

ABŞ prezidenti Donald Tramp ölkəsinin Ukraynanın bərpasında iştirak edəcəkmi sualını qəribə adlandırıb və faktiki olaraq ona konkret cavab verməyib.

“Report” xəbər verir ki, o, bu barədə Ağ Evdə ikitərəfli danışıqlardan sonra Fransa prezidenti Emmanuel Makronla birgə keçirdiyi mətbuat konfransında danışıb.

“Düşünürəm ki, bu, bir az qəribə sualdır, çünki siz ABŞ adından Ukraynanın yenidən qurulmasına töhfə verib-verməyəcəyimizi soruşmusunuz. Demək istəyirəm ki, biz artıq 350 milyard dollara yaxın yardım etmişik və məncə, bu, olduqca böyük töhfədir”, - deyə o qeyd edib.