ABŞ-nin Ukraynadakı müvəqqəti səfiri hökumətlə fikir ayrılıqlarına görə vəzifəsindən ayrılacaq

ABŞ-nin Ukraynadakı səfiri vəzifəsini icra edən Culi Devis ABŞ prezidenti Donald Trampla fikir ayrılıqlarına görə vəzifəsindən ayrılacaq.

"Report" xəbər verir ki, bu barədə "Financial Times" qəzeti mənbələrə istinadən məlumat yayıb.

Qeyd olunub ki, diplomat xanımın getməsinin səbəbi onun Tramp administrasiyasının Ukraynaya yanaşması ilə razılaşmaması olub.

ABŞ Dövlət Departamenti hələlik diplomatın mümkün istefası ilə bağlı məlumata münasibət bildirməyib.

Devis, ABŞ-ın Kiyevdəki əvvəlki səfirinin istefasından sonra Ukraynadakı Amerika diplomatik missiyasının müvəqqəti rəhbəri vəzifəsini icra edir.