ABŞ-nin Nyu-York şəhərində Hudzon çayına helikopter düşüb, ölənlər var

ABŞ-nin Nyu-York şəhərinin Manhetten bölgəsində Hudzon çayına helikopter düşüb.

“Report”un ABŞ bürosu xəbər verir ki, bu barədə Nyu-York Polis Departamenti məlumat yayıb.

Qeyd olunub ki, qəza nəticəsində ən azı üç nəfər həlak olub. Mənbələrin bildirdiyinə görə, helikopterdə uşaqlar da daxil olmaqla, ümumilikdə beş nəfər olub.

“ABC” yazıb ki, təyyarənin göyərtəsində pilot, İspaniyadan gəlmiş 3 uşaq və 2 böyükdən ibarət ailə olub. Onların hamısı vəfat edib.

Helikopter qəzadan əvvəl 12 dəqiqə havada olub. 

Hadisə şahidləri partlayış səsi eşitdikdən sonra helikopterin havada iki yerə bölündüyünü bildiriblər.

Hazırda xilasedici qruplar hadisə yerindədir.