ABŞ-nin Ərbildəki bazası dron hücumuna məruz qalıb

ABŞ-nin İraqın Ərbil mühafəzəsindəki (paytaxt Bağdaddan 425 km) hərbi bazası kamikadze dronların hücumuna uğrayıb.

“Report” xəbər verir ki, bu barədə “Al Hadath” telekanalı məlumat yayıb, lakin həmlənin amerikalılar arasında tələfata yol açıb-açmadığını dəqiqləşdirməyib.

Hücuma görə məsuliyyəti “İraq İslam Müqaviməti” hərəkatı götürüb. Onlar daha əvvəl Qəzza zolağında humanitar barışın pozulmasından sonra ABŞ-nin hərbi bazalarına qarşı əməliyyatları bərpa etdiklərini elan etmişdilər.