ABŞ-la Meksika arasında gediş-gəliş bağlana bilər

Bakı. 22 noyabr. REPORT.AZ/ ABŞ Prezidenti Donald Tramp Meksikadan qanunsuz miqrant axınına görə bu ölkə ilə sərhədi bağlayacaqlarını istisna etməyib.

“Report” “RİA Novosti”yə istinadən xəbər verir ki, bu barədə dövlət başçısı Şükran Günü bayramı münasibətilə getdiyi Florida ştatında jurnalistlərə bildirib.

“Vəziyyət müəyyən həddi keçsə, nəzarəti itirdiyimizi görsək, onda bir müddət, nəzarəti bərpa edənədək ölkəmizə girişi bağlamalı olacağıq. Bütün sərhəd boyu. Meksika ABŞ-a avtomobil göndərə bilməyəcək”, - o bildirib.