Bakı. 22 avqust. REPORT.AZ/ ABŞ və Cənubi Koreya silahlı qüvvələrinin generalları hərbi əməliyyatlara başlayacağı halda, Koreya Xalq Demokratik Respublikasına (KXDR) birlikdə "güclü cavab" verəcəkləri haqda razılığa gəliblər.
"Report" Cənubi Koreyanın "Renxap" agentliyinə istinadən xəbər verir ki, bu razılıq ABŞ-ın birləşmiş qərargah rəisləri komitəsinin başçısı general Martin Dempsi ilə cənubi koreyalı həmkarı Tsoy Yun Xi arasındakı telefon danışığında əldə edilib.