Yuxarı
    Bağlamaq

    ABŞ-ın vitse-prezidenti: "Barak Obama oğlumun müalicəsi üçün mənə pul təklif etdi"

    Cozef Bayden: Bunu heç vaxt unutmayacağam

    Bakı. 12 yanvar. REPORT.AZ/ ABŞ prezidenti Barak Obama vitse-prezident Cozef Baydenə xərçəng olduğu aşkarlanan oğlunun müalicəsi üçün maliyyə yardımı təklif edib.

    "Report" xəbər verir ki, Cozef Bayden bu haqda CNN telekanalına müsahibəsində bildirib.

    Onun sözlərinə görə, bu söhbət onlar birlikdə nahar edərkən olub. Söhbət zamanı C.Bayden deyib ki, Delaver ştatının prokuroru, böyük oğlunun xəstəliyi ilə əlaqədar istefa verməyə məcbur olub: "Onda xərçəng aşkarlanıb. Müalicəsinə isə böyük məbləğdə pul lazımdır. Mən ona dedim ki, xanımım Cill ilə çıxış yolu tapmışıq, evimizi satacağıq. Barak Obama evi satmamağım üçün israr etdi və dedi: "İşi yoluna qoyarıq". O, bizə istənilən yardımı etməyə hazır olduğunu bildirdi. Hətta pul yardımı təklif edib".

    C.Bayden B.Obamaya təklifinə görə, təşəkkür etdiyini və bunu heç vaxt unutmayacağını söyləyib.

    Xatırladaq ki, Cozef Baydenin oğlu Bo Bayden 2015-ci ilin mayında 46 yaşında xərçəng xəstəliyindən vəfat edib. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi