Bakı. 31 oktyabr. REPORT.AZ/ ABŞ Silahlı Qüvvələrinin xüsusi əməliyyatlar komandanlığı Amerikanın Liviyadakı səfiri Kristofer Stivensin qətlində mühüm rol oynamış terrorçunu yaxalayıb.
“Report” TASS-a istinadən xəbər verir ki, bu barədə bazar ertəsi "Associated Press" məlumat yayıb.
Hadisənin təfərrüatları açıqlanmır.
Qətl 11 sentyabr 2012-ci ildə ABŞ-ın Benqazi şəhərindəki diplomatik nümayəndəliyinə hücum zamanı törədilib. Stivenslə yanaşı daha 3 amerikalı həlak olub.