ABŞ-ın dövlət katibi: “Çin niyyətlərinə aydınlıq gətirməlidir”

“Bizim fikrimizcə, Çinlə kommunikasiya əlaqələrinin saxlanması vacibdir”.

“Report” xəbər verir ki, bunu ABŞ-ın dövlət katibi Entoni Blinken Yaponiyada keçirilən G7 ölkələrinin xarici işlər nazirlərinin görüşündən sonra jurnalistlərə açıqlamasında deyib.

O bildirib ki, Vaşinqton Pekinlə münasibətlərdə irəliləyiş gözləyir: “Amma Çin niyyətlərinə aydınlıq gətirməlidir. Biz inanırıq ki, dünya ölkələri bizdən Çinlə münasibətləri məsuliyyətlə idarə etməyi gözləyir. Lakin, bunun üçün qarşılıqlı fəaliyyətə ehtiyac var”.

E.Blinken söyləyib ki, Çin niyyətlərini gizlətməsə, qarşılıqlı fəaliyyət yolları tapıla bilər.