ABŞ-ın dövlət katibi azərbaycanlılara və digər xalqlara Novruz təbriki ünvanlayıb

Bakı. 21 mart. REPORT.AZ/ ABŞ-ın dövlət katibi Reks Tillerson azərbaycanlılara və digər xalqlara Novruz təbriki ünvanlayıb.

"Report" xəbər verir ki, ABŞ Dövlət Departamentinin saytında Reks Tillersonun baharın gəlişini qeyd edən bir sıra ölkələrin xalqlarına Novruz bayramı münasibərilə arzuları ifadə edilib.

Reks Tillerson Azərbaycan, Türkiyə, Türkmənistan, İran, İraq, Qazaxıstan, Qırğızıstan, Pakistan, Əfqanıstan, Tacikistan, Özbəkistan və digər ölkələrdə milyonlarla insanın bayramı xüsusi olaraq qeyd etdiyini vurğulayaraq amerikalıların da bu ənənəyə qoşulduqlarını bildirib. O, təbrik məktubunda Novruzun hamıya sülh və firavanlıq bəxş edəcəyinə inamını ifadə edib.