ABŞ-ın "Disney World" parkında iki avtobus toqquşub, 15 nəfər yaralanıb

Bakı. 12 dekabr. REPORT.AZ/ Çərşənbə axşamı ABŞ-ın Florida ştatının Orlando şəhəri yaxınlığında yerləşən "Disney World" əyləncə parkı ərazisində iki avtobusun toqquşması nəticəsində 15 nəfər yaralanıb.

“Report” TASS-a istinadən xəbər verir ki, bu barədə ABC telekanalının yerli filialı məlumat yayıb.

Xəsarət alan şəxslər xəstəxanaya yerləşdiriliblər. Onların həyatı üçün təhlükə yoxdur. Avtobuslarda ümumilikdə 50-yə yaxın adam olub.