ABŞ Gürcüstandan Qara dənizdə Çinlə birgə liman tikintisini dayandırmağı tələb edib

ABŞ Gürcüstandan Qara dənizdə Çinlə birgə liman tikintisinin dayandırılmasını tələb edib.

"Report"un Gürcüstan bürosu xəbər verir ki, bunu Senatda çıxış edən ABŞ dövlət katibinin köməkçisi Ceyms O'Brayen deyib.

"Gürcüstan hökumətinə aydın olmalıdır ki, geriyə bir yol var: Çinin Anakliyada dərin su limanı tikməsinə mane olmaq. O addımlar bu gün Gürcüstan üçün həqiqətən, vacibdir", - dövlət katibinin köməkçisi bildirib.

Qeyd edək ki , əvvəllər Amerikanın “Conti International” MMC bu limanın tikintisi üçün 400 milyon dollar cəlb etmək öhdəliyini yerinə yetirə bilmədiyinə görə Gürcüstan hakimiyyəti onun üzvü olduğu konsorsiumla müqaviləni ləğv edib.