ABŞ Əfqanıstanda minə yaxın hərbçisini saxlayacaq

ABŞ Əfqanıstanda minə yaxın hərbçi saxlayacaq.

“Report” CNN-ə istinadən xəbər verir ki, bu barədə rəsmi mənbələr məlumat verib.

“ABŞ Əfqanıstandan qoşununu bir neçə günə çıxara bilər. Rəsmi qoşunlar çıxdıqdan sonra ABŞ-ın Kabuldakı səfirliyini, ölkə paytaxtındakı hava limanının təhlükəsizliyini təmin etmək məqsədilə minə yaxın hərbçisini saxlayacaq. NATO-nun Əfqanıstanda qalacaq hərbçilərinin sayı məlum deyil”, - mənbə qeyd edib.

Qeyd edək ki, bir müddət əvvəl Pentaqon Əfqanıstanda 650 hərbçi saxlayacağını bildirmişdi.

Xatırladaq ki, ABŞ 2020-ci ilin mayından Əfqanıstandan qoşununu çıxarmağa başlayıb. Bu prosesin sentyabrın 11-də başa çatacağı gözlənilir.