ABŞ-də toksik maddə sızması ilə nəticələnən yol-nəqliyyat hadisəsində 5 nəfər ölüb

ABŞ-nin İllinoys ştatının mərkəzində bir neçə nəqliyyat vasitəsi ilə baş verən yol-nəqliyyat hadisəsi nəticəsində 5 nəfər ölüb, 5 nəfər yaralanıb.

“Report” NBC telekanalına istinadən xəbər verir ki, qəzada yük maşınından ammonyak sızıb.

Telekanalına məlumatına görə, qəza Effinqhem dairəsində baş verib. Təxminən 28 min litr kimyəvi maddə daşıyan yük maşını yol-nəqliyyat hadisəsindən sonra aşıb və sonucda təxminən 15 min litr ammonyak sızıb.

NBC yaxın ərazilərdən 500-ə yaxın insanın təxliyə edildiyini qeyd edib. İllinoys Ətraf Mühitin Mühafizəsi Agentliyinə görə, evakuasiya əmri azı bazar günü səhərə qədər qüvvədə qalacaq.