ABŞ-də fövqəladə vəziyyət rejiminin müddəti uzadılıb

ABŞ Prezidenti Cozef Bayden bütün ölkədə tətbiq edilən fövqəladə vəziyyət rejiminin müddətini uzadıb.

"Report"un məlumatına görə, bu barədə Amerika liderinin bəyanatında deyilir.

Bu qərarın kütləvi qırğın silahlarının yayılması riski ilə əlaqədar verildiyi vurğulanır.

Qeyd edək ki, 1994-cü il noyabrın 14-də ABŞ-nin keçmiş prezidenti Bill Klinton ölkədə fövqəladə vəziyyət elan edilməsi haqqında 12 938 saylı fərman imzalayıb. Sənəd kimyəvi, bioloji və nüvə silahlarının yayılması təhlükəsi ilə əlaqədar hazırlanıb.