ABŞ-də əczaçılıq məhsullarına 25 % rüsum tətbiq edilir

ABŞ administrasiyasının hazırladığı əczaçılıq məhsullarına gömrük rüsumları 25 % təşkil edə bilər.

“Report” TASS-a istinadən xəbər verir ki, bunu ABŞ Prezidenti Donald Tramp deyib.

"Biz artıq öz dərmanlarımızı istehsal etmirik. Dərman şirkətləri İrlandiyada, bir çox başqa yerlərdə, Çindədir. Mənim etməli olduğum tək şey tariflər tətbiq etməkdir. Biz bunu edəcəyik. Bu, avtomobillərlə etdiyimiz kimi olacaq. Bildiyiniz kimi, bizdə avtomobillərə 25 % tarif var. Bizdə polad və alüminiuma 25 % rüsum var", - o söyləyib.

Tramp əlavə edib ki, rüsumlar tezliklə tətbiq olunacaq.