ABŞ-dan qayıdan Ukrayna Prezidenti Polşada həmkarı ilə görüşüb

Ukrayna Prezidenti Volodimir Zelenski ABŞ səfərindən sonra Polşaya gələrək burada həmkarı Anjey Duda ilə görüşüb.

"Report" xəbər verir ki, bu barədə Ukrayna mətbuatı məlumat yayıb.

Zelenski ABŞ-a səfərinin təfərrüatları barədə Polşa Prezidentinə məlumat verib.

Liderlər Rusiyanın Ukraynaya qarşı davam edən müharibəsi fonunda ikitərəfli münasibətləri müzakirə ediblər.

Prezidentlər Ukrayna dövlətinin müdafiə qabiliyyətinin gücləndirilməsi, miqrantlar üçün son dərəcə vacib olan humanitar məsələlərə toxunublar.