ABŞ-da xəstəxanada atışma olub, ölənlər var

ABŞ-ın Nyu-Qempşir ştatının Konkord şəhərində xəstəxanada atışma baş verib.

“Report” xarici mətbuata istinadən xəbər verir ki, bu barədə ştat polisi bildirib.

"Polis Konkorddakı Nyu-Hempşir xəstəxanasında baş verən atışma hadisəsini araşdırır", - polisin “X” sosial şəbəkəsindəki paylaşımında qeyd olunur.

Hadisə nəticəsində çoxsaylı insan tələfatının olduğu qeyd edilir. Məlumata görə, ölənlər arasında silahlı insidenti törətməkdə şübhəli bilinən cinayətkar da var.