ABŞ-da təyyarə qəzaya uğrayıb, 3 nəfər ölüb

ABŞ-ın Texas ştatında mülki təyyarənin qəzaya uğraması nəticəsində 3 nəfər ölüb, 1 nəfər ağır yaralanıb.

“Report” xəbər verir ki, məlumatı “Anadolu” agentliyi yayıb.

Hadisə Hyuston şəhərinin 137 km şimal-qərbində yerləşən Brayn şəhərinin “Coulter Field” hava limanında baş verib.

Federal Mülki Aviasiya İdarəsinin sözçüsü Linn Lansford bildirib ki, tək mühərrikli “Piper PA 24” tipli təyyarənin qəzaya uğramasının səbəbləri araşdırılır.