Bakı. 13 may. REPORT.AZ/ ABŞ-ın Pensilvaniya ştatında qatarın qəzaya uğraması nəticəsində azı 5 nəfər həlak olub. "Report" "RİA-Novosti"yə istinadən xəbər verir ki, bu barədə qəza yerinə gələn Filadelfiya meri Maykl Natter jurnalistlərə açıqlamasında deyib.
"Təəssüflər olsun ki, biz azı 5 nəfərin həlak olduğunu təsdiqləməliyik", - Amerika telekanallarına açıqlaması zamanı Filadelfiya meri deyib.
Vaşinqton - Nyu-York marşrutu ilə hərəkət edən və içərisində 240 nəfər sərnişin olan qatar Filadelfiya şəhəri yaxınlığında relsdən çıxaraq qəzaya uğrayıb.
Bir az əvvəl bildirilmişdi ki, 50-yə yaxın insan xəsarət alıb.