ABŞ-da qar səbəbindən hava və quru nəqliyyatı iflic olub

ABŞ-ın şərq sahillərində güclü qar və külək səbəbindən Nyu-Yorkda 1 400-dən çox sərnişin reysi təxirə salınıb.

Bu barədə "Report" TASS-a istinadən xəbər verir.

Con Kennedi hava limanı 877 reysin - planlaşdırılmış uçuşların ümumi sayının 76%-nin ləğvi barədə məlumat verib. La-Guardia Hava Limanı isə işini tamamilə dayandırıb və 556 uçuşu ləğv edib.

Yerüstü rabitə də pozulub. Belə ki, Amtrak milli dəmir yolu sərnişin korporasiyası pis hava şəraiti səbəbindən Nyu-York, Vaşinqton, Boston və Çikaqo arasında əlaqəni dayandırıb. Şəhərlərarası avtobus şirkətləri də reysləri ləğv ediblər.

Yerli hakimiyyət hər kəsi evdə qalmağa və müvəqqəti olaraq səyahətləri dayandırmağa çağırıb.