ABŞ-da pis hava şəraiti səbəbindən 2 000-dən çox reys ləğv edilib

ABŞ-ın mərkəzi və şərq ştatlarında qar fırtınası və aşağı temperatur səbəbindən cümə gününə planlaşdırılan iki mindən çox reys təxirə salınıb.

“Report” xəbər verir ki, bu barədə “FlightAware” məlumat yayıb.

Portal daha əvvəl məlumat vermişdi ki, cümə axşamı pis hava və kəskin soyuqlar səbəbindən 2 294 aviareys ləğv edilib, 7 205-i isə gecikib.

“FlightAware” bildirib ki, ölkəyə və ya ölkədən uçan daha 2 075 cümə reysi ləğv edilib, daha 1 439-u isə gecikib.

ABŞ Milli Meteoroloji Xidməti qeyd edib ki, çovğun ABŞ-ın əksər hissəsində həftənin sonuna qədər davam edəcək.