ABŞ-da kimyəvi maddə sızması nəticəsində 2 nəfər ölüb, 4 nəfər yaralanıb

ABŞ-ın Texas ştatında “LyondellBasell” şirkətinin zavodunda kimyəvi maddənin sızması nəticəsində azı 2 nəfər ölüb, 4 nəfər yaralanıb.

“Report” “RİA Novosti”yə istinadən xəbər verir ki, bu barədə şirkətdən bildirilib.

Hadisə şirkətin La Port şəhərindəki kompleksində baş verib. Xəsarət alanlara tibbi yardım göstərilir.

Kimyəvi maddənin sızmasının qarşısı alınıb.