ABŞ-da kilsəyə hücum olub, 2 nəfər ölüb, bir neçə nəfər yaralanıb

ABŞ-ın Kaliforniya ştatının San-Xose şəhərində baptist kilsəsinə bıçaqlı hücum nəticəsində 2 nəfər ölüb, bir neçə nəfər isə yaralanıb.

“Report” “RİA Novosti”yə istinadən xəbər verir ki, bu barədə şəhər polisinin tvitter səhifəsində bildirilib.

Şəhər meri Sem Likkardo bildirib ki, hücum etməkdə şübhəli bilinən şəxs saxlanılıb. Onun sözlərinə görə, hücum zamanı kilsə fəaliyyət göstərməyib: “Ora soyuqdan donmamaq üçün evsiz şəxslər toplanır”.