ABŞ-da “İen” qasırğasında ölənlərin sayı 98 nəfərə çatıb

ABŞ-ın Florida ştatında “İen” qasırğası nəticəsində ölənlərin sayı 98 nəfərə çatıb.

"Report" TASS-a istinadən xəbər verir ki, bu barədə NBC telekanalı məlumat yayıb.

Məlumata görə, Floridada 94 nəfərin və Şimali Karolinada 4 sakinin ölümü təsdiqlənib. Axtarış-xilasetmə işləri davam etdirilir.

Xatırladaq ki, daha əvvəl qasırğa nəticəsində 87 nəfərin öldüyü bildirilirdi. Dördüncü kateqoriyalı "İen" qasırğasının Florida ştatına vurduğu zərərin aradan qaldırılması üçün illər tələb olunduğu bildirilir.

Ştatda 630 mindən çox istehlakçı işıqsız qalıb.