ABŞ-da hərbi təyyarə qəzaya uğrayıb

Amerikada hərbi təyyarə Albukerke (Nyu Meksiko) hava limanında qəzaya uğrayıb.

"Report"un məlumatına görə, bu barədə ABC televiziyası məlumat yayıb.

Təyyarədə yalnız pilot olub və o, xəstəxanaya yerləşdirilib. Hadisədən qısa müddət sonra hava limanı fəaliyyətini bərpa edib.

“Daily Express” portalının məlumatına görə, havaya qalxdıqdan az sonra qəzaya uğrayan F-35 qırıcısı ola bilərdi.