ABŞ-da günlük yoluxma sayında rekord

ABŞ-da son sutka ərzində 217 664 nəfərdə yeni növ koronavirus aşkarlanıb.

“Report” xəbər verir ki, bu, pandemiyanın başlanğıcından bəri rekord göstəricidir.

Cons Hopkins Universitetinin məlumatlarına görə, son 24 saatda həmçinin 2 879 COVID-19 xəstəsi ölüb. Bu, cümə axşamı qeydə alınan 3 157 ölümlük rekorddan azdır, lakin aprel ayının maksimumundan (2 752 nəfər) çoxdur.

Universitetin bildirdiyinə görə, ABŞ-da pandemiya dövründə 14,1 milyondan çox insan virusa yoluxub, 276 325 nəfər COVID-19-un qurbanı olub.