ABŞ-da avtobus qəzasında 7 nəfər ölüb, 40-a yaxın insan yaralanıb

ABŞ-ın Missisipi ştatında avtobusun qəzaya uğraması nəticəsində 7 nəfər ölüb, 37 nəfər yaralanıb.

“Report”un məlumatına görə, bu barədə NBC televiziyası xəbər yayıb.

Qeyd olunub ki, ticarət sərnişin avtobusu Viksburqdan şərqdə şosedən çıxaraq aşıb.

Nəticədə 6 nəfər hadisə yerində, daha bir sərnişin isə xəstəxanada ölüb. Qəzada xəsarət alan ən azı 37 nəfər müxtəlif tibb müəssisələrinə yerləşdirilib.

Məlumata görə, qəzanın səbəbləri araşdırılır.