ABŞ-da atışma zamanı azı 13 nəfər xəsarət alıb

ABŞ-da silahlı insident olub.

“Report” xəbər verir ki, bu barədə “Associated Press” polisə istinadən məlumat yayıb.

Məlumata görə, hadisə Luiziana ştatında qeydə alınıb. Boqalus şəhərində anım mərasimində baş verən silahlı insident zamanı azı 13 nəfər xəsarət alıb. Qeyd edilir ki, yaralılardan birinin vəziyyəti ağırdır.

Polis hadisə ilə bağlı təhqiqat aparır. Hadisəni törətməkdə şübhəli bilinən şəxs hələ saxlanılmayıb.