Bakı. 4 oktyabr. REPORT.AZ/ ABŞ-ın Cənubi Karolina ştatının Vintage Place rayonunda baş verən atışma nəticəsində 1 nəfər ölüb, 6 polis əməkdaşı yaralanıb.
“Report” “Anadolu”ya istinadən xəbər verir ki, bu barədə Florens dairəsinin Fövqəladə Hallar İdarəsi məlumat yayıb.
Bildirilib ki, hüquq-mühafizə orqanlarının əməkdaşları yoxlama ilə bağlı orderi təqdim edərkən sakinlərdən biri atəş açıb. O, mənzildə barrikada quraraq iki saata yaxın polisə müqavimət göstərib. Ancaq sonda şübhəlini yaxalamaq mümkün olub.
*** 08:54
ABŞ-ın Cənubi Karolina ştatının Florens şəhərində naməlum şəxs atəş açıb.
“Report” RİA "Novosti"yə istinadən xəbər verir ki, bu barədə şəhərin təcili xidmət orqanlarına istinadən WPDE telestansiyası məlumat yayıb.
Atışma nəticəsində 5 polis əməkdaşı yaralanıb.
"Atışma dayanıb, şübhəli şəxs saxlanılıb", - deyə məlumatda qeyd olunub.