Bakı. 4 mart. REPORT.AZ/ ABŞ-ın şərq sahillərində fırtına qurbanlarının sayı 8 nəfərə çatıb.
"Report" xəbər verir ki, bu barədə "NBC" telekanalı məlumat yayıb.
Telekanalın məlumatına görə, Massaçusets ştatında təxminən 328 min insan elektrik təchizatından məhrum olub. Həmçinin Nyu-Cersi ştatında da 164 min insan işıqsız qalıb.
Daha əvvəl bildirilirdi ki, ABŞ-da fırtına səbəbindən 5 nəfər ölüb. Ölkənin Merilend ştatında fövqəladə vəziyyət elan edilib.