Moskvada yaşayan azərbaycanlı gənclər Novruz bayramını qeyd ediblər

Moskvada Novruz bayramı qeyd olunub.

“Report”un Rusiya bürosu xəbər verir ki, tədbir Heydər Əliyev Fondunun vitse-prezidenti Leyla Əliyevanın dəstəyi, Rusiyanın Azərbaycanlı Gənclər Assosiasiyasının (RAGB) təşkilatçılığı ilə keçirilib.

Tədbiri giriş sözü ilə açan RAGB sədri Ceyhun Hüseynov azərbaycanlıları bayram münasibətilə təbrik edib, qonaqlara cansağlığı və firavanlıq arzulayıb.

Daha sonra təşkil edilmiş dəb nümayişində gənc dizaynerlər milli üslubda yeni geyim kolleksiyalarını tamaşaçılara təqdim ediblər. Dəb nümayişi etnomusiqi ilə müşayiət olunub.

Tədbir konsert proqramı ilə davam etdirilib.