Gürcüstanın baş kitabxanaçısı azərbaycanlı gənclərə dəstək olub

Gürcüstanın Milli Parlament Kitabxanasının baş direktoru Giorgi Kekelidze Qardabani rayonunun Vaxtangisi kəndinə səfər edib.

“Report”un yerli bürosu xəbər verir ki, o, kənd sakini olan iki azərbaycanlı gəncin yaratdığı icma mərkəzinə gürcü dilində kitablar hədiyyə edib.

“Bu yaxınlarda iki çox yaxşı qız – Aytac Xəlil və Nuranə Musayeva Vaxtangisidə icma mərkəzi təsis ediblər. Bu kənddə bizim azərbaycanlı vətəndaşlarımız yaşayır. Bu gün biz kəndin gəncləri üçün gürcüdilli kitabxana yaratdıq”, - G.Kekelidze feysbuk səhifəsində yazıb.

Qeyd edək ki, bir il bundan öncə G.Kekelidze Qardabaninin Qaracalar kəndinin azərbaycandilli məktəbində gürcü dilində kitablardan ibarət kitabxananın yaradılmasına dəstək olub.