Gürcüstanda azərbaycanlı mer müavini təyin olundu

Kənan Ömərov Gürcüstanın Marneuli bələdiyyəsinin mer müavini təyin olunub.

“Report”un yerli bürosu xəbər verir ki, bu barədə bələdiyyənin bu gün keçirilən iclasında bildirilib.

K.Ömərov indiyə qədər Marneuli Təhsil Resurs Mərkəzinin rəhbəri vəzifəsində çalışıb.

Qeyd edək ki, Marneulidə mer vəzifəsi hazırda vakantdır, belə ki, keçmiş mer Zaur Darğallı deputat seçilib. Bu vəzifəni merin müavini Zaur Tabatadze icra edir.