Braziliya telekanalında ölkəmizə həsr edilən proqram efirə gedib

Braziliya telekanalında ölkəmizə həsr edilən proqram efirə gedib Azərbaycana həsr edilmiş silsilə proqramların davamı olaraq Braziliyanın REBE TV kanalında növbəti proqram efirə gedib.
Diaspor
3906
10 Oktyabr , 2020 20:28
Braziliya telekanalında ölkəmizə həsr edilən proqram efirə gedib

Azərbaycana həsr edilmiş silsilə proqramların davamı olaraq Braziliyanın REBE TV kanalında növbəti proqram efirə gedib.

Azərbaycanın Braziliyadaki Sefliyindən “Report”a verilən məlumata görə, Azərbaycanda mültikulturalizmin dərin tarixi və ənənələrindən bəhs ədən proqramda yerli ekspert qismində cənab Klaus Junior və professor Leyla Bijos çıxış ediblər. Hər iki müsahibəçi Azərbaycanla bağlı xatirələri ilə bölüşərək, ölkəmizin bu sahədə təcrübəsinin nümunəvi olduğunu qeyd ediblər.

Braziliyanın özünün çoxmillətli ölkə olduğunu söyləyən professor L.Bijos qarşılıqlı təcrübənin öyrənilməsinə ehtiyac olduğunu vurğulayıb. Həmçinin, professorun Bakı Beynəlxalq Mültikulturalizm Mərkəzində apardığı tədqiqatlar nəticəsində Braziliyada, Azərbaycana həsr edilmiş ilk “Azərbaycanın dövlət siyasətində multikulturalizmin rolu” adlı elmi kitabın buraxıldığı və bu kitab əsasında bir neçə yerli universitetlərdə tədris proqramların tərtib edildiyi də bildirilib.

Cənab Kalus Junior öz növbəsində Azərbaycanla tanışlığından böyük məmnunyətini bildirərək, ölkəmizdə olduğu zaman bir sıra bölgələrimizə səfər edərək, etnik, mədəni, dini zənginliyimiz ilə tanış olduğunu və bu da onun təcrübəsinin artırılmasına xidmət etdiyini söyləyib. Müsahibəçi Braziliya və onun hüdudundan kənarda Azərbaycan multikulturalizm modelinin təbliğ etdiyini də qeyd edib.

Qeyd edək ki, hər iki ekspert müxtəlif vaxtlarda Azərbaycanda olub və Bakı Beynəlxalq Mültikulturalizm Mərkəzi ilə six əlaqədə akademik layihələr üzərində işlər aparırlar.

Müsahibə saat 10.00 efirə getmiş və təkrar olaraq bazar günü bir daha yayımlanacaq. Proqramın tam versiyası ilə verilən keçid ilə tanış olmaq olar

Son xəbərlər

Orphus sistemi