Azərbaycanlılar Tbilisidə qələbə avtoyürüşü keçiriblər

Gürcüstanın paytaxtı Tbilisi şəhərində Azərbaycanın tarixi qələbəsi avtoyürüşlə qeyd olunub.

“Report”un yerli bürosu xəbər verir ki, Azərbaycan bayrağı ilə bəzədilmiş avtomobillər ölkənin Gürcüstandakı səfirliyinin binası qarşısından hərəkətə başlayıblar.

Tbilisinin Azadlıq meydanı, mərkəzi küçə və prospektləri ilə şütüyən yürüş iştirakçıları “Yaşasın Azərbaycan!”, “Yaşasın Azərbaycan-Türkiyə- Gürcüstan qardaşlığı!”, “Şəhidlər ölməz, Vətən bölünməz!”, “Qarabağ Azərbaycandır!” şüarlarını səsləndiriblər.

Avtoyürüş AZƏRTAC-ın təşəbbüsü ilə baş tutub.