Yuxarı

Polşada azərbaycanlılar üçün "qaynar xətt" yaradılıb

Polşada azərbaycanlılar üçün "qaynar xətt" yaradılıb

Bakı. 18 oktyabr. REPORT.AZ/ Polşada Azərbaycanlı Gənclər Şurası tərəfindən bu ölkədə yaşayan və yeni gələn həmyerlilərimiz üçün "qaynar xətt" yaradılıb.

"Report" xəbər verir ki, şuranın sədri Nail Əhmədin sözlərinə görə, "qaynar xət"də əsasən hüquqi yardımla bağlı daxil olan zənglərin operator tərəfindən cavablandırılması nəzərdə tutulur. Onun sözlərinə görə, "qaynar xətt" +48 576 164 876 nömrəsində işləyəcək və zənglər operativ cavablandırılacaq. 

Nail Əhməd bildirib ki, "qaynar xətt" Azərbaycan, rus, ingilis, türk və polyak dillərində soydaşlarımızın xidmətində olacaq. O qeyd edib ki, burada məqsəd həmyerlilərimizin sosial problemlərinə dəstək olmaqdır: "Biz tez-tez hemyerlilərimizin oturum izni ilə bağlı eyni zamanda hüquq mühafizə orqanları ilə problemlərinin olduğunu nəzərə alaraq belə bir addım atmağa qərara gəldik. Əgər bu addım istədiyimiz effekti verərsə, novbəti ildən vətəndaşlarımız üçün ödənişsiz hüquq məsləhətxanası açmağı düşünürük".

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Bu xəbər həm də başqa dillərdə mövcuddur:

Tərəfdaşların xəbərləri


Xəbər lenti

Son xəbərlər



Orphus sistemi