Yuxarı

Gürcüstanın keçmiş azərbaycanlı rayon rəhbərinin vəkili məhkəmədən ədalətli qərar gözləyir

Gürcüstanın keçmiş azərbaycanlı rayon rəhbərinin vəkili məhkəmədən ədalətli qərar gözləyir

Tbilisi. 4 sentyabr. REPORT.AZ/ Gürcüstanın Marneuli rayonunun keçmiş rəhbəri Temur Abazovun işi üzrə növbəti məhkəmə iclası sentyabrın 6-da keçiriləcək.

"Report"un Gürcüstan bürosunun xəbərinə görə, bu barədə T.Abazovun vəkili Qagi Mosiaşvili keçirdiyi brifinqdə bildirib.

Onun sözlərinə görə, artıq üç aydır ki, T.Abazova qarşı irəli sürülən ittihamla bağlı araşdırmalar davam edir: "Ona qarşı ağır ittiham irəli sürülüb, lakin heç bir fakt yoxdur. Zərərçəkənin verdiyi ifadələr əsassız və yalandır. Prokurorluq araşdırmaları başa çatdırıb. Biz Temur Abazovun günahsız olduğunu sübut etməyə hərtərəfli hazırıq".

Q.Mosiaşvili qeyd edib ki, T.Abazovun sağlamlıq durumu yaxşıdır və o, mübarizə aparmağa hazırdır: "Biz inanırıq ki, məhkəmə onun günahsız olduğunu görəcək və ədalətli qərar qəbul edəcək".

Qeyd edək ki, T.Abazov bu ilin iyunun 13-də Marneuli sakini Elçin Allahverdiyevə qarşı qeyri-insani və alçaldıcı davranış faktı ilə bağlı saxlanılıb. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi