Yuxarı
    Bağlamaq

    DÇ-2018-də baş hakim oyunu yarımçıq dayandıra və təxirə sala biləcək

    İrqi ayrı-seçkiliyə qarşı üçpilləli mübarizə proseduru tətbiq ediləcək

    Bakı. 27 noyabr. REPORT.AZ/ Futbol üzrə 2018-ci il dünya çempionatı zamanı baş hakim iqrçi və digər yolverilməz davranışlar səbəbi ilə oyunu yarımçıq saxlaya, habelə təxirə sala biləcək.

    “Report” mundialın Təşkilat Komitəsinə istinadən xəbər verir ki, bu barədə FİFA prezidenti Canni İnfantino bildirib.

    Onun sözlərinə görə, dünya çempionatları tarixində ilk dəfə referiyə belə səlahiyyət veriləcək. İnfantino bildirib ki, ayrı-seçkiliyə qarşı üçpilləli mübarizə proseduru tətbiq ediləcək: “Əlbəttə, dünya çempionatının “fair-play” ruhunda, düzgün oyun prinsipləri əsasında keçəcəyini gözləyirik. Əminik ki, irqi ayrı-seçkiliklə bağlı hər hansı insident baş verməyəcək. Baş versə belə, dünya çempionatlarının tarixində ilk dəfə irqi ayrı-seçkiliyə qarşı üçpilləli mübarizə proseduru tətbiq ediləcək. Baş hakim irqçi və ya digər yolverilməz davranışlar təqdirində, matçı dayandıra, həmçinin təxirə sala biləcək”.

    Qeyd edək ki, 2018-ci il dünya çempionatı 14 iyun – 15 iyulda Rusiyada keçiriləcək.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi