Yuxarı
    Bağlamaq

    Bosniya və Herseqovina - Yunanıstan oyunundan sonra komandalar arasında dava düşüb - VİDEO

    Yerli məşqçi qonaq komanda futbolçusunun dişini qırıb

    Bakı. 10 iyun. REPORT.AZ/ Bosniya və Herseqovina  - Yunanıstan yığmaları arasında keçirilmiş futbol üzrə 2018-ci il dünya çempionatının seçmə qrup matçı kütləvi dava ilə yekunlaşıb.

    "Report"un məlumatına görə, Zenitsa şəhərindəki "Bilino polye" stadionunda keçirilmiş qarşılaşmadan dərhal sonra İtaliya "Roma"sında çıxış edən 2 oyunçu - meydan sahiblərinin hücumçusu Edin Ceko və yunanıstanlı müdafiəçi Kostas Manolas arasında mübahisə düşüb. İnsidentə digər futbolçular və komandaların texniki heyəti də qarışıb. Nəticədə Bosniya və Herseqovina yığmasının məşqçisi Stefan Cilli yunanıstanlı yarımmüdafiəçi Yannis Yannotasın dişini qırıb. Oyundan əvvəl isə yerli azarkeşlər Yunanıstan himnini fitə basıblar.

    Qeyd edək ki, qarşılaşma qolsuz tamamlanıb - 0:0. "Qarabağ"ın qapıçısı İbrahim Şehiç Bosniya və Herseqovina yığmasının iştirak ərizəsində yer alsa da, sonadək ehtiyatda qalıb. H qrupunda 6 turdan sonra Yunanıstan 12 xalla 2-ci, Bosniya və Herseqovina 11 xalla 3-cü pillədə qərarlaşıb. Qrupa 16 xalla Belçika başçılıq edir.  

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi