Zəngilanda Azərbaycan QHT-lərinin Əməkdaşlıq Forumu keçirilib

Azərbaycan Qeyri-Hökumət Təşkilatlarının Əməkdaşlıq Forumu başa çatıb.

"Report"un Zəngilana ezam olunmuş əməkdaşı xəbər verir ki, iki gün davam edən tədbirdə Azərbaycanda fəaliyyət göstərən 200-ə yaxın qeyri-hökumət təşkilatının nümayəndəsi, media təmsilçiləri, ictimai xadimlər iştirak ediblər.

Tədbirdə “Azərbaycan QHT-ləri: nəticələr və hədəflər”, “Ermənistanın dağ-mədən sənayesinin ekoloji fəsadları”, “COP29 və Yaşıl Dünya Naminə Həmrəylik Hərəkatı” mövzularında panel müzakirələri keçirilib.

Sonda forum iştirakçıları Prezident İlham Əliyevə Azərbaycan QHT-lərinin Yaşıl Dünya Naminə Həmrəylik Müraciətini ünvanlayıblar.

Tədbirə bədii hissə ilə yekun vurulub.