YAP-ın bələdiyyə üzvlüyünə namizədləri imzatoplama kampaniyasını yekunlaşdırmaq üzrədir

Bakı. 11 noyabr. REPORT.AZ/ Bu il dekabr ayının 23-də keçiriləcək bələdiyyə seçkilərində iştirak edən Yeni Azərbaycan Partiyasının (YAP) 15 mindən çox üzvünün namizədliyi irəli sürülüb. Bu barədə “Report”a partiyanın mətbuat xidmətindən məlumat verilib.

İrəli sürülmüş namizədlərdən 13 mindən çoxu imza vərəqələrini zəruri seçki sənədləri ilə birlikdə dairə seçki komissiyalarına (DSK) təhvil veriblər.

Yeni Azərbaycan Partiyası irəli sürdüyü namizədlərin lehinə imzaların toplanmasını və DSK-lara təhvil verilməsini qarşıdakı günlər ərzində yekunlaşdırmağı planlaşdırır.