YAP-da ümummilli lider Heydər Əliyevin anadan olmasının 96-cı ildönümü münasibətilə sərgi açılıb

Yeni Azərbaycan Partiyasının (YAP) mərkəzi qərərgahında ümummilli lider Heydər Əliyevin anadan olmasının 96-cı ildönümü münasibətilə gənc rəssamların sərgisinin açılış mərasimi keçirilib.

"Report" xəbər verir ki, tədbirdə YAP-ın sədr müavini-icra katibi Əli Əhmədov, Milli Məclisin vitse-spikeri Bahar Muradova, deputatlar və ictimaiyyət nümayəndələri iştirak ediblər.

Ə.Əhmədov bildirib ki, ulu öndər Heydər Əliyev hər zaman bütün sahələrə, eləcə də mədəniyyət sahəsinə böyük dəstək verib: "Bu günə qədər də həmin dəstək unudulmayıb. Azərbaycanda mədəniyyət işçilərinin əməyinə hər zaman xüsusi diqqət və qayğı göstərilib".

Daha sonra sərgiyə baxış keçirilib, 40-a yaxın əl işinin nümayiş olunduğu sərgidə rəsm əsərləri satışa da çıxarılıb.