VK sədri: "Dövlət hesabına hüquqi yardım həyata keçirilərkən bəzən formallığa yol verilib"

"Dövlət hesabına hüquqi yardım həyata keçirilərkən bəzi hallarda formallığa yol verilib. Yəni, vəkillər tərəfindən formal olaraq hüquqi yardım həyata keçirilib".

"Report"un xəbərinə görə, bu fikirləri Vəkillər Kollegiyası Rəyasət Heyətinin sədri Anar Bağırov qurumun dövlət hesabına həyata keçirilən hüquqi yardımla bağlı monitorinqin nəticələrinə dair ümumrespublika müşavirəsində bildirib.

O deyib ki, buna cinayət təqibini həyata keçirən orqanlar da şərait yaradıblar:

"Bu isə dövlət büdcəsindən ayrılan vəsaitin israf olunmasına və dövlət büdcəsi hesabına keyfiyyətli hüquqi yardımdan yararlanan vətəndaşların haqlı narazılığına səbəb olur".