Yuxarı
    Bağlamaq

    ​Tural Abbaslı: "Fraksiyanın idarəetmə forması haqqında sənəd hazırlanır"

    İşçi qrupunun üzvləri mitinqə dəstək verəcək

    Bakı. 1 dekabr. REPORT.AZ/ "Müsavat Partiyası daxilində yaradılmış işçi qrupunun növbəti iclasına qədər fraksiyanın idarəetmə forması haqqında konkret sənəd hazırlanacaq. İclasda fraksiyanın idarəetmə forması sənəd üzrə müzakirə olunacaq".

    Bunu "Report"a açıqlamasında Müsavat Partiyasının başqanlığına sabiq namizəd Tural Abbaslı deyib. O qeyd edib ki, fraksiyanın kollegial idarəetmə formasının tərəfdarıdır.

    T.Abbaslı işçi qrupunun üzvlərinin Müsavat Partiyasının dekabrın 14-nə təyin etdiyi mitinqə qoşulacaqlarını da qeyd edib: "Sonuncu iclasda mitinq məsələsi geniş müzakirə olundu. Qərəra gəlindi ki, işçi qrup tam tərkibdə mitinqə dəstək versin".

    Qeyd edək ki, İşçi qrup Müsavat Partiyasının növbədənkənar qurultayının keçirilməsi ilə bağlı təklifləri dəyərləndirmək məqsədilə yaradılıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi