Tənzilə Rüstəmxanlının seçicilərlə növbəti görüşü olub

Sentyabrın 1-də keçiriləcək Milli Məclisə seçkilərdə 70 saylı Neftçala seçki dairəsindən deputatlığa namizəd Vətəndaş Həmrəyliyi Partiyası sədrinin müşaviri, Azərbaycan-Türkiyə Evi və Azərbaycan Türk Qadınlar Birliyinin sədri Tənzilə Rüstəmxanlının təşviqat kampaniyası çərçivəsində seçicilərlə görüşləri davam edir.

Namizədin seçki qərargahından "Report"a verilən məlumata görə, T.Rüstəmxanlının seçicilərlə növbəti görüşü rayonun Yeniqışlaq kəndində təşkil olunub.

Görüşdə kənd ziyalıları, şəhid ailələri və qazilər iştirak ediblər.

Tədbirdə deputatlığa namizədin platforması haqqında geniş məlumat verilib, vəkilləri ictimaiyyətə təqdim olunub.

Daha sonra seçicilərin problemləri və təklifləri dinlənilib.