Bakı. 3 fevral. REPORT.AZ/ Tağı Əhmədov 2-ci dərəcəli “Əmək” ordeni ilə təltif edilib.
“Report”un xəbərinə görə, Azərbaycan Prezidenti İlham Əliyev bununla bağlı sərəncam imzalayıb.
Sərəncama əsasən, Azərbaycan Respublikasının ictimai-siyasi həyatında fəal iştirakına və nəqliyyat sahəsində uzunmüddətli səmərəli fəaliyyətinə görə Tağı Məhəmməd oğlu Əhmədov 2-ci dərəcəli “Əmək” ordeni ilə təltif edilib.
Qeyd edək ki, T.Əhmədov 1948-ci ildə anadan olub. Fevralın 1-də onun 70 yaşı tamam olub. T.Əhmədov 1998-2014-cü illərdə Bakı Metropoliteninin rəisi vəzifəsində çalışıb. Hazırda hakim Yeni Azərbaycan Partiyası Yasamal rayon təşkilatının sədridir.