Sumqayıtda 101 yaşlı seçici səs verib

Sumqayıt şəhərində 101 yaşlı seçici səs verib.

"Report"un yerli bürosunun məlumatına görə, 44 saylı Sumqayıt üçüncü seçki dairəsi üzrə qeydiyyatda olan ən yaşlı seçici, 1923-cü il təvəllüdlü Zəri Həsən qızı Xudiyeva səsvermə hüququndan istifadə edib.

Qeyd olunub ki, Zəri Xudiyevanın evinə həmin dairənin 16 saylı seçki məntəqəsindən daşınan seçki qutusu aparılıb və o, səs verib.

Sumqayıt şəhəri üzrə seçicilərin 3641 nəfərinin yaşlı nəslin nümayəndəsi olduğu bildirilib.