Yuxarı

​Siyavuş Novruzov: Əli Kərimli mitinqləri qazanc mənbəyinə çevirib

Bu mitinq deyildi, piket idi

Bakı. 5 aprel. REPORT.AZ/ “Bu mitinq deyildi, piket idi. İnsanların sayını yalandan şişirdirlər. Əslində, bu AXCP-nin toplantısı sayılır. Bunlar ancaq yalan danışırlar, heç bir yenilik etmirlər, insanlara yalan məlumatlar verirlər, erməni mənbələrindən aldıqları məlumatları cəmiyyətə sırımağa çalışırlar”.

Bunu “Report”a açıqlamasında Yeni Azərbaycan Partiyasının (YAP) icra katibinin müavini Siyavuş Novruzov deyib.

O bildirib ki, bu mitinqlərin heç bir əhəmiyyəti yoxdur:

“Hər bir insan Azərbaycandakı inkişafı gözü ilə görür. Nə qədər istəyirlərsə, keçirsinlər. Əli Kərimli mitinqləri qazanc mənbəyinə çevirib. Hər bir mitinq üçün ayrı-ayrı təşkilatlardan pul alırlar”.

Qeyd edək ki, Milli Şura bu gün Bakıda mitinq keçirib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi